సంగీతపాఠాలు నేర్వని పండితారాధ్యుల గాన గంధర్వుడు

పదహారు భాషలలో నలువది వేల పాటల గాన ఆంధ్రుడు

తెలుగు భాష కొమ్మపై గూడు కట్టిన మరో ఘంటసాల ఇతడు

తెలుగు జాతి కి గర్వకారణమైన భారతీయ పద్మ భుాషణుడు

గొంతు శ్రుతిగా గుండె లయగా పాడి పరవశింపచేసిన చిత్ర-బాలుడు

సాగరసంగమపు శ్రుతిలయల శంకరాభరణపు విశ్వనాధ ఆస్ధానుడు

వెన్నెల పైటలో కిన్నెరసాని సితారని కీర్తించిన సాహితీ భావకుడు

సంగీతరారాజు ఇళయరాజుతో జతకట్టి శ్రీశ్రీ గొంతు విప్పిన వీణారుద్రుడు

చరణ పల్లవులకు తండ్రిగా ప్రాణం పోసిన పాటల మాంత్రికుడు

పాడుతా తీయగా చల్లగా అంటూ కొత్త గొంతుకల ప్రోత్సాహకుడు

గానకళకు వన్నెతెచ్చి కళకళలాడించిన సకలకళా వల్లభుడు

సామజవరగమన కే గొంతు ధారపోసిన తెలుగు గాన పోషకుడు -

శ్రీ శ్రీపతి పండితారాధ్యుల బాలసుబ్రమణ్యం (SPB) గారికి అశ్రునివాళి

                                       

                   -  Penned by Sreeni (S. Anil Kumar)

శతకోటి భక్తకోటి అవిరామ లిఖిత రామకోటి ప్రేరిత ఘనాపాటి రామ

అఖిలాండ లోక అండ పిండ కోదండరామా

ధరణీజ సీతమ్మ ఆరాధ్య జానకీరామ

రామకోటి అవిరామ లిఖిత సయోధ్యా శ్యామ

అనంతకోటి 

అఖిలాండకోటి

విశ్వ మైదానం లో ఎదురులేని ఓ హెలికాప్టర్

భారతీయుల వరల్డ్ కప్ స్వప్నానికి ఆఖరి సిక్సర్

టీ ట్వంటీ ప్రపంచకప్పు సాకారానికి ఓ సిగ్నేచర్

వీడు భారత క్రికెట్ కి మరో కెప్టెన్ అలెగ్జాండర్

ఒత్తిడిలో ప్రశాంతతకే బ్రాండ్ అంబాసిడర్

క్రీజులో కుదురుకొంటే అప్పోజిషన్ డర్ డర్

మెరుపు ఇన్నింగ్స్ ల సెన్సేషనల్ ధండర్

ఆఖరి ఓవర్ గెలుపులలో ఓ రికార్డ్ వండర్

ఇరవై రెండు గజాల రేసులో రన్నింగ్ టైగర్

అర క్షణంలో అవుట్ చేసే  స్టన్నింగ్ స్టంపర్

అద్భుతాలు అలవోకగ సాధించు విన్నింగ్ స్ట్రైకర్

స్ట్రీట్ స్మార్ట్ ఐడియాల కన్నింగ్ మాస్టర్

ఆ రోజు రాంచి నుంచి లాంచైన ఈ టికెట్ కలెక్టర్

ఒక రోజు ఆటలో అయ్యేను తిరుగులేని వికెట్ కీపర్

ఈరోజుకీ క్రికెట్ ప్రపంచపు అత్యుత్తమ ఫినిషర్

ఏనాటికీ ఈ విజిల్ పోడు చెన్నై కింగ్ - ఓ సూపర్ డూపర్ వండర్

-                                      Penned by S Anilkumar

ఇప్పుడే ఉదయించిన జగనుడికి పోటీగా వీస్తున్న పవనము లా

పదికోట్ల ఆంద్రుల శ్వాస నుండి వెల్లువెత్తిన ఆక్సిజన్ సిలిండర్ లా

కులజాడ్యపు విధానాల బలినుండి కాపు కాచు కాపు జాతి గీతంలా

అమరావతి రైతు హృదయ వేదనలో ఉప్పొంగిన ఆక్రందన నదిలా

ఆవేదనతో రగులుతున్న నిరుద్యోగ గుండెచప్పుళ్ల రక్తపు ప్రతిధ్వనిలా

ఈ రక్తపు బడబాగ్నిలో ఎగిసిన మరో సీమాంద్ర ఉద్యమ జ్వాలలా

ఆ జ్వాలలో ఉవ్వెత్తున నింగికెగసిన అగ్ని పర్వతపు శిఖరంలా

లోకకళ్యాణమే ఊపిరిగా ఉద్యమించిన జనసైనిక ఉగ్రసింహంలా

కొత్త రాష్ట్ర పురిటి నొప్పుల  మళ్ళీ ఉదయించిన రాజకీయ సూరీడు

సినీ భక్తుల పాలిట మరో భగవంతుడు మన చిరు సోదరుడు

మహా ప్రస్ధానమును తిరిగి లిఖిస్తున్న మన జన సేన నాయకుడు

జన ప్రభంజనానికి మరో పేరు పవర్ స్టార్ -  వీడొక పొలిటికల్ మాన్ స్టర్

హ్యాపీ హ్యాపీ బర్త్ డే టు యూ పవర్ స్టార్ - నువ్వే మా కాబోయే చీఫ్ మినిస్టరు

-                                      Penned by S Anilkumar

ఇప్పుడే మొలకెత్తిన ఓ చిగురుటాకా

అతి అల్లరితో మారాం చేయబోకు

పదహారేళ్ళకు తుళ్ళిపడేటి తమలపాకా

అతిఊహలతో భంగపడి కరగమాకు

ముప్పదిలో అడుగిడిన గోరింటాకా

అతిగా ఆశపడి రంగులలోకంలో మోసబోకు

అర్ధ శతకాన విస్తరించిన విస్తరాకా

అతిగా బంధనాల బాధపడి ఆవిరవమాకు

ఎనుబదిలో కదలలేని పండుటాకా

వడివడి అడుగులతో మిగిలేది ఎండుటాకే

ఇకనైనా గుర్తించు, ఉన్నాను నేను నీకు

ఆ పరమాత్ముని రూపంలో, చేరువుగా నీ ఆత్మకు

పైనుండి దీవిస్తూ,  నీలోని అంతరాత్మగా

నిజానికి నీ లోన, దూరంగా నీ ఆశలకు

మొలకెత్తిన చిగురుటాకు నుండి ఎండుటాకు దాకా

అర్ధం  చేసుకో నన్ను నీ ప్రతి అడుగులో, ప్రతి దశలో

బ్రతుకు పండి నాలోకి చేరేదాకా మార్చుకో నీదిశను