ఇంద్రాక్షీ మాన్యమున యంత్రముగా వెలసిన దేవీ ఇంద్రాక్షీ

వరలక్ష్మీ వ్రతమున సిరులను పొంగించు శ్రీ కనక మహాలక్ష్మీ

చుంచులూరు గ్రామమున భక్తులను పరిరక్షించు విశాలాక్షీ

సహస్రార చక్రమును జీవశక్తులుగా సమతులించు సహస్రాక్షీ 

మమ సహకుటుంబానాం రక్ష రక్ష ఇంద్రాక్షీ దేవ్యై నమో నమః 

మహా యంత్ర రూపములో నిక్షిప్తమైన దుష్ట పీడ నివారణీ

నానాలంకారములలో దేదీప్యమానమైన దివ్య శక్తి స్వరూపిణీ

అప్స రోగములను పూర్తిగా నివారించు ఆయురారోగ్య ప్రసాదినీ

వామహస్తమున వజ్రమును ధరించు కుడిచేతితో వరప్రదాయిణీ

మమ సహకుటుంబానాం రక్ష రక్ష ఇంద్రాక్షీ దేవ్యై నమో నమః 

సర్వ భక్తజనులను సమ్మోహించు శ్రీ శివ ధర్మపత్నీ పరమేశ్వరీ

సర్వ శత్రువులను సంహరించు శంకరార్ధ శరీరణీ  భువనేశ్వరీ

సర్వ గ్రహములను వశింపచేయు భవానీ రుద్రాణీ మహేశ్వరీ

సర్వ జ్వరములను నశింపచేయు దేవీ నారాయణీ చాముండేశ్వరీ

మమ సహకుటుంబానాం రక్ష రక్ష ఇంద్రాక్షీ దేవ్యై నమో నమః 

              -  Penned by Sreeni (S. Anil Kumar)